Funerary inscription for Λουκίος Μινίκιος Ἀνθιμιανός created by Alexander Gangoly MAPPOLA Database This file is licensed under the Creative Commons Attribution-ShareAlike 4.0 license. MPL00282 568530 https://db.mappola.eu/r/Inscription/show/282 Roma, Villa Barberini slab marble complete 56.0 56.0 None corona between Θεοῖς and Ἥρωσιν chiselled 0.0-0.0 Roma 0-0 Roma unknown; earlier wrongly attributed to Smyrna 41.8918 12.4861 murata no

Encoded following EpiDoc guidelines 9.5

 Greek Greek-Latin Latin Multilingual Ancient Greek written in Latin script Latin written in Greek script funerary inscription

Θεοῖς Ἥρωσιν. Λούκιος Μινίκιος Ἄνθιμος καὶ Σκρει βωνία Φηλεικίσσιμα ἀτυχεῖς γονεῖς Λουκίῳ Μινικίῳ Ἀνθιμιανῷ τέκνῳ γλυκυτάτῳ καὶ θεῷ ἰδίῳ ἐπηκόῳ ζήσαντι ἔτη δʹ, μῆνας εʹ, ἡμέρας κʹ. Νήπιός εἰμι τυχὼν τύμβου τοῦδ’, ὦ παροδεῖτα. ὅσσ’ ἔπαθον δ’ ἐμ βαιῷ τέρματί μου βιοτῆς ἐνκύρσας λαϊνέᾳ στήλλῃ τάχα καὶ σὺ δακρύσεις· μητρὸς ἀπ’ ὠδείνωνὠδείνωμ’ ὡς εἰς φάος ἤγαγον Ὧραι, ἐκ γαίης με πατὴρ ἐμὸς εἵλατο χερσὶ γεγηθὼς καί μ’ ἀπέλουσε λύθρου καὶ εἰς σπάργανά μ’ αὐτὸς ἔθηκεν, ηεὔχετο δ’ ἀθανάτοις, ἅπερ οὐκ ἤμελλεν ἔσεσθαι· Μοῖραι γὰρ πρῶται περί μου κεκρίκεισαν ἅπαντα· καί μ’ ἔτρεφεν γενέτης μητέρα μου τροφὸν εἱλάμενος· αὐτίκα δ’ ηεὐξανόμην εὐερνὴς καὶ πᾶσι ποθητός. ἐν δ’ ὥραις ὀλίγαις Μοιρῶν γὰρ σφραγεῖδες ἐπῆλθον, αἵ με νόσῳ πῆξαν χαλεπῇ διδύμους πέρι· ἀλλ’ ὁ ταλαίφρων γεννήσας εἰάσατό μου νόσον αἰνὴν τοῦτο δοκῶν ὅτι μοῖραν μ ἐμὴν εἰάμασι σώσει. καὶ τότε δή μ’ ἑτέρα νόσος εἷλε κακίστη τῆς προτέρης νούσσου πουλύ τι χειροτέρη· σῆψιν γὰρ λαιοῦμοῦ πεδίον ποδὸς εἶχεν ἐν ὀστοῖς. εἶτ’ ἔταμόν με φίλοι γενέτου καί μου ὀστέ’ ἀνεῖλαν λύπας καὶ στοναχὰς τοῖς τεκέεσσι διδόντα, καὶ ταῦθ’ ὡσαύτως εἰάθην πάλιν, ὡς τὰ πάροιθεν. οὐδ’ οὕτως μου Γένεσις δεινὴ πλησθεῖσ’ ἐκορέσθη, ἀλλ’ ἑτέραν πάλι μοι νόσον ἤγαγε γαστρὸς Μοῖρα σπλάγχνα μου ὀγκώσασα καὶ ἐκτήξασα τὰ λοιπά, ἄχρις ὅτου ψυχήν μου μητρὸς χέρες εἷλαν ἀπ’ ὄσσων. ταῦτ’ ἔπαθον βαιῷ τέρματί μου βιοτῆς, ξένε, καὶ κατέλειπον τηκεδόνα στυγερὴν τοῖσί με γιναμένοις, αἰνόμορος, λείψας τρεῖς συνομαίμονας ἀστεφανώτους.

Text follows Petzl, checked on picture by A. Gangoly 2023 . ll. 9, 19, 22 corrected by Gangoly 2023. l. 9: ὠδείνων CIG; ὑπ’ ὠδίνων EG; ὠδείνωμ Ferrua; ὠδείνωμ <μ’> Petzl l. 19: vacat Petzl, IGUR instead of erasure. l. 22: corrected Jacobs. V. hexametris, v. pentametris. v. 14: pentameter cum μητέρα extra metrum. v. 17: spondeus versus finibus deest. v. 20: hexameter quinque metra consistens. v. 24: versus finis spondeus. v. 27: versus spondiacus. v. 30: pentameter cum ξένε extra metrum. v. 31: pentameter cum καὶ κατέλειπον extra metrum.

IGUR 04, 01702 CIG 03272 EG 00314 GVI 01166 Josef Zingerle, 1928: Ein Fall von Kindertuberkulose vor 1700 Jahren, 440–444 (with German translation) Antonio Ferrua, 1958: Giovanni Zaratino Castellini. Raccoglitore di epigrafi, 135–138 nr. 10 (also on the finding context) Anne-Marie Vérilhac, 1978: Παῖδες ἄωροι. Poésie funéraire. I. Textes, 165–168 nr. 106 (with French translation) Georg Petzl, 1981: G. V. I 1166 – eine Krankengeschichte aus Smyrna?, 303–308 (with photo tab. 16 and German translation; also on the finding context) - SEG 29, 01003 Cf. Anne-Marie Vérilhac, 1982: Παῖδες ἄωροι. Poésie funéraire. II. Commentaire, 11. 94. 117. 129. 141 Anm. 56. 178. 185–187. 198. 229. 294. 321. 347. 359. 389. 409. 411–413. 431. Cf. Alfredo Mario Morelli et al., 2008: Epigrammi lunghi nella produzione epigrafica tardoantica, 673